hemuc
Bîstek din ew ê min serjêkin; bimînin di xweşîyê de hezkirîyên min, jina min, diya min û yên ku li benda min in ku bibêjin ”bavo”! Bîstek din ew ê min serjêkin.
Destê ku li ser serê min digere, mirovxurê ku li paş min hilke hilka wî ye, hundurê min dişewitîne. Hema dixwazim rabim û biqîrim: ”Hûn vê fermanê ji kîjan ol û dînî, ji kîjan Xwedayî, ji kîjan qanûnê digirin!”
Ez zanim ew ê fam nekin, loma diêşim, ji ber wê ye weha bêgunah û bêdeng û sergiran im.
Ger carek din karibim vegerim, careke din karibim stêrkan, hîvê, tavê bibînim, belkî karibim vê êşê ragirim.
Lê dizanim, serê min ê ku dê berî wexta xwe were jêkirin, hilma min a kû dê êş jê bifûre, çavên min ên ku dê têkevin taristanê, laşê min, lêva min, devê min, pozê min û jiyana şîrîn ku bûye para min, wek kulîlkên ku diçirpînin û davêjin dê hişk bibin û nemînin.
Lê tiştê ku min teselî dike; ez dibim berdêlîya welatekî mezin û azad ku tijî zarok in!

Alî Riza Akşin
Kurmancîya nivîsa Ali Riza Askin ku li ser Hucam Sûrcî nivîsîye (Min spontane wergerand- M. Lewendî)

You may also like