Bajarê Kobanê dema bû armanca îrîşên DAÎŞê bajar vale bû, bi sedhezaran xelkê deverê koçber bû.
Şervanên YPGê li nava bajêr de berxwedan, lê roj bi roj DAÎŞ pêşve diçû.

Kobanê li ber ketinê bû.
Bi fermana serokê Kurdistanê û rizamendiya Parlementoya Kurdistanê biryar hat dayîn ku hêzên Pêşmerge ji bo parastina Kobanê herin Kobanê.
Bi dîplomasiyek serkeftî Tirkiye rê da çûyîna Pêşmerge.

Pêşmergeyên Kurdistanê bi çekên giran çûn Kobanê. Çûyîna Pêşmergeyan DAÎŞ sekinand û roj bi roj kolan û taxên Kobanê ji DAÎŞê hate pakij kirin.

Niha Kobanê azade, Miletê kurd bi azadbûna Kobanê şad bû. Berpirsên aliyên siyasî serokê Kurdistanê û serokwezîr ji bo azadkirina Kobanê dilxweşiya xwe dan nîşandan. Ev yek wek serkeftina şervanên Kurd hate nirxandin.

Lê piştî azadkirinê PYDê nehişt ku Alayên Kurdistanê li Kobanê bêne bilind kirin. Di cih de HDPê xwest rantek siyasî destbêxe.
Li derên wek Enqere û Stanbulê azadkirina Kobanê hate pîroz kirin.
Lê tu sembolek ya Kurdan tunebû.
Dengek Kurdistanê nehat seh kirin. Te digot qey çepên Tirkan Kobanê rizgar kirine.

Çi bibe bila be, lê herkesê ku li Kobanê rola Pêşmergeyên Kurdistanê nebîne ne tenê koratiyek siyasî dike dijminetiya yekitiya netewî dike.

Koban Kurdistanê.
Ew devera ku ala Kurdistanê lê neyê bilind kirin tu caran azad nayê qebûl kirin.

Koban wêran bûye.
Li ser qavlê Kobanê tu kes bila li ranta siyasî negere.

Rojevakurd

Ji raja xwendewanê Dewletxwaz.com re…
Me di roj berê mizgîniya malpera xwa ji raya giştî re diyar kiribû;lê hezar mixabin go emê ji sedema hin niqteyên hiqukî û teknîkî nikaribin weşana xwe berî 26.10.2014 e bi şeklekî serrast bidomînin.
Em ji temamê Dewletxwaza lêborînê dixwazin.
Bijî Kurdistan
Bijî dewletxwazên Kurdîstan.
Dewletxwaz.com

Bi navê Kurdistan….
Em mizgîniya malperek Kurdistanî û dewletxwaz didin welatperwerên Kurdistanî….
DEWLETXWAZ.COM
Dewletxwaz; malperek sîyasî û netewîye.
Dewletxwaz; Mele Mistefa Barzanî ji xwe re rêber qebûl dike…
Dewletxwaz; wê wek navê xwe bi çend nikteyên li jêrî tev bigere…..
Dewletxwaz; malperek bi teref û bi sansûre….
Dewlwtxwaz; terefê parêzerên dewleta Kurd e……
Welatxwaz; li himber destdirêjkirina hêjayiyên miletê Kurd bi sansûre…..
Dewletxwaz; li himher xêrynexwazên Kurdistanê mertal e..
Dewletxwaz; mal û hêlîna siyasî ya dewletxwazên Kurdîstaniyaye…

Fermandeyekî berê yê artêşa Tirkiyeyê bi navê Edîp Başer, ku heyamekî di têkoşîna hevbeş a Amerîka û Tirkiyeyê ya li dijî PKKê de nûnerê taybet ê Enqereyê bû, diyar kir ku Amerîka êdî dixwaze “Kurdistana Mezin” ava bike û wiha got: “Amerîka êdî li şûna Tirkiyeyê dê Kurdistanê hilbijêre.”

Fermandeyê berê yê artêşa Tirkiyeyê û nûnerê taybet ê Enqereyê di têkoşîna hevbeş a Amerîka û Tirkiyeyê de li dijî PKKê Edîp Başer, ji rojnameya Hurriyetê re li ser rewşa dawî ya Rojhilata Navîn axivî û got, berjewendiyên Amerîka yên li Rojhilata Navîn pir mezin û girîng in.

Edî Başer diyar kir, ji ber wê yekê Amerîkayê heta niha jî dest ji “Projeya Rojhilata Navîn a Mezin” bernedaye.

Wî fermandeyê artêşa Tirkiyeyê anî ziman ku şert û mercên îro yên li Rojhilata Navîn ber bi avabûna Kurdistana Mezin ve diçin û wiha axivî:

“Destpêkê dê Kurdistana Tirkiyeyê bigire navxwe paşê jî Kurdistana Mezin were avakirin. Li gorî wan, Kurdistana Mezin ji Qersê dest pê dike heta Mêrsînê diçe.”

Li gorî Edîp Başer, Amerîka bi vê yekê êdî dixwaze li şûna Tirkiyeyê Kurdistana ku petrola wê heye û ji ewlehiya Îsraîlê re jî pir girîng e, hilbijêre.

Rudaw

Karton û Kantonçiyên Bakûrî û Rojevayî, di geşta firotina Kurdistan de bi şirîkê xweyî Ereb re dest bi dest di kolanên Kartonan de bazariyên xerab dikin.
Heyeta DTK, HDP, DBP û hin bi navê Ezêdiya derketina pişgiriya tam û mar kirina Destkeftinên Kurdistanê. Doh jî bi sorokwezîrê Kurdistanê re hevd^tinek kirin. Boxtanciya piştî hevdîtinê gotin: Hevdîtin baş derbas bû û terefan di derbarê diyaloga bi hev re hemfikirbûn; lê hezar mixabin, piştî çûn biroya DBPê dest bi boxtanê xweyî berê kirin û gotin ku; terefa li ser yekîtiyeke siyasî û parastina hevbeş li hev kirine… Divê baş bê zanîn ku, PKK, YNK û PYD bi organîzasyona Îran hevbendiyek çêkirine. Ev hevbendî 10.09.2014 li Sileymanî bi beşdariya temamê hevbenda ev çara bencê ye go tên cem hev. Li gor agahiyan, wê bi riya YNK ê û pişgiriya Îran PKK li deverên kirîtîk bên bicîh kirin û bi wê rê wê serokatiya Kurdistanê mecburî hevkariya bi Îran û PKK re bê kirin.
Sileymanî

Piştînîvroya îro Serokomarê Fransayê gihîşt Hewlêrê û li balefirgehê ji hêla Mesûd Barzanî Serokê Herêma Kurdistanê ve hat pêşwazîkirin.

Barzanî û Hollande piştrê hevdîtinek pêkanîn û piştî civînê François Hollande Serokomarê Frensayê û Serok Barzanî civîneke hevpar a çapemenî lidar xistin. Her du aliyan jî girîngiya şerê hemberî DAIŞê anîn ziman.

Di civîna çapemenî de destpêkê Barzanî axivî û got, “Hevkariya Frensayê bandoreke baş li gelê Kurdistanê û pêşmerge kir. Her wiha alîkariya serbazî di têkşikandina DAIŞê de roleke girîng leyîst.”

Her wiha Serokê Herêma Kurdistanê got, “Em şerê hemberî van terorîstan girîng dibînin. Ji bo gelên koçber ku ji DAIŞê reviyana vegerin cihê xwe, divê em vê rêxistinê têk bibin.”

Barzanî got: bi hevkariya Frensa û welatên dîtir hêz guhertiye û destnîşan kir ku, Pêşmerge roj bi roj serdikeve û bawerî ev e ku, bi helwesta hemû aliyan dê rewş bigihîje serkeftinê.”

Piştre Serokomarê Frensayê François Hollande axivî û got: hevkariya Fransayê bo koçberan dê bidome.

Her wiha Hollande got: “Ger hin malbat bixwazin werin Frensayê em bo wan hêsankarî dikin lê ya girîng divê koçber bikaribin ser xaka xwe bijîn.”

Her wiha Hollande wiha dom kir, “Pêşmerge dikare sûd li hevkariya me werbigre û emê hevkariya serbazî bo Herêma Kurdistanê zêdetir bikin.”

Rûdaw